ᐄᓱ ᒪᑉᓕᒃ
ᓂᐱᖅᑯᖅᑐᔾᔪᑎᓄᑦ ᐃᑲᔪᖅᑎ
ᐄᓱ ᐃᑲᔪᖅᑎᐅᖃᑕᐅᓯᒪᔪᖅ ᐃᓐᓂᕐᕕᖕᒥ ᐊᕐᕌᒍᓄᑦ ᐅᓄᖅᑐᓄᑦ ᐊᔪᕈᓐᓃᕌᖓᒥ. ᐃᖃᓗᖕᓂ ᐃᓅᓚᐅᖅᑐᖅ ᓄᓇᓕᐸᐅᔭᕈᖅᐸᓪᓕᐊᑎᓪᓗᒍ. ᐱᕈᖅᐸᓪᓕᐊᓪᓗᓂ ᓇᖕᒥᓂᕐᓗ, ᐊᖓᔪᖅᑳᖏᒡᓗ ᒪᓕᒃᖢᓂᒋᒃ ᓄᓇᖃᖃᑦᑕᖅᓯᒪᔪᖅ ᓇᓂᓯᕕᖕᒥ, ᐃᒡᓗᓕᒃ, ᐋᑐᕚ, ᐃᖃᓗᒃᑑᑦᑎᐊᖅ, ᑲᖏᖅᖠᓂᖅ, ᔭᓗᓇᐃ, ᒥᑦᑎᒪᑕᓕᒃ, ᐃᖃᓗᖕᓂᓗ.
ᐄᓲ−ᓚᔭᐅᒐᔪᒃᑐᖅ ᐃᖅᑲᓇᐃᔭᖃᑦᑕᖅᓯᒪᖕᒥᔪᖅ ᒪᒃᑯᒃᑐᑦ ᐅᖃᐅᔾᔨᔨᐅᑉ ᐃᑲᔪᖅᑎᐊ, ᖃᑎᓐᓂᐊᖅᑐᓄᑦ ᐸᕐᓇᐃᔨ, ᒥᕐᖑᐃᖅᓯᕐᕕᓕᕆᔨ/ᓄᓇᓕᖕᓂ ᐱᑐᖃᕐᓄᑦ ᑲᒪᔨ, ᑮᓇᐅᔭᓕᕆᓂᕐᒧᑦ ᑲᒪᔨ, ᓂᐅᕐᕈᑎᓄᑦ ᑭᒡᒐᖅᑐᐃᔨ, ᐃᓵᖅᑕᐅᑎᑦᑎᑦᑕᐃᓕᔨᓄᑦ ᐊᖏᔪᖅᑳᖅ ᓇᖕᒥᓂᖃᖅᑎᓄᑦ, ᓄᓇᕗᑦ ᒐᕙᒪᒃᑯᖏᓐᓄᑦ, ᒐᕙᒪᑐᖃᒃᑯᓐᓄᓪᓗ.
ᐄᓱ ᓄᓕᐊᖓᓗ ᑖᓇ, ᑕᓪᓕᒪᓂᒃ ᕿᑐᕐᖓᓖᒃ. ᑮᓇᐅᔭᓕᐅᒃᑲᓐᓂᕋᓱᐊᖅᖢᓂ ᕿᑐᕐᖓᖏᑦ ᓂᕆᑦᑎᐊᖁᓪᓗᒋᑦ, ᓴᓇᙳᐊᖅᐸᒃᑐᖅ ᑎᑎᕋᐅᔭᖅᖢᓂ ᐊᓕᒍᕐᓄᑦ ᓂᐅᕐᕈᑎᒃᓴᓂᒃ. ᐃᑲᔪᖅᑐᐃᕙᖕᒥᔪᖅ ᐊᕙᑎᓕᕆᓂᕐᒨᖓᔪᓄᑦ ᐊᒻᒪᓗ ᐃᓚᒌᑦ ᓂᕿᖃᑦᑎᐊᖁᓪᓗᒋᑦ ᐃᑲᔪᖅᑎᒌᑦ.